Deputetja e Lëvizjes Vetëvendosje, Albulena Haxhiu ka komentuar vendimin e Gjykatës Kushtetuese të Kosovës, e cila i ka dhënë përgjigje kërkesës së Lidhjes Demokratike të Kosovës dhe Lëvizjes Vetëvendosje të cilët kërkuan vlerësim të kushtetutshmërisë së Ligjit për detyrat, përgjegjësitë dhe kompetencat e Delegacionit shtetëror të Kosovës në procesin e dialogut me Serbinë.
Haxhiu në një konferencë për media tha se Presidenti Thaçi nuk mund të udhëheq Kosovën në bisedimet me Serbinë.
“Siç kemi thënë në kohën kur e kemi kontestuar ligjin për dialogun, projektligji për dialogun ka krijuar një delegacion jo kushtetues të cilit ja mveshën. Gjykata Kushtetuese sot konstatoi që ligji për Dialogun është antikushtetues në tërësinë e tij”, tha Haxhiu, përcjell ksp.
Sipas Haxhiut, zgjidhja e vetme është shkuarja në zgjedhje të jashtëzakonshme.
Sipas saj Gjykata Kushtetuese ka argumentuar që Qeveria ka ingerenca kushtetuese, presidenti i Kosovës nuk mund të përfaqësojë Kosovën në dialogun me Serbinë, ndërsa zgjidhja e vetme janë zgjedhjet e jashtëzakonshme.
“Ne e kemi kundërshtuar presidentin Thaçi, mënyrën se si ka shkuar ky dialog me Serbinë. Në këto rrethana ku kemi një president që në mënyrë jo kushtetuese ka udhëhequr dialogun, dhe kryeministrin i cili refuzoi të marrë kompetencat e tij, zgjidhja e vetme është që të shkohet në zgjedhje të jashtëzakonshme", tha ajo.
-
Haxhiu: Ekipi Negociator të kthejë çdo mjet të shpenzuar, ndryshe të japë përgjegjësi penale
-
Kush do ta marrë udhëheqjen e dialogut në Prishtinë?
-
Haxhiu: Duhet të jepet përgjegjësi për 300 mijë eurot që iu ndan delegacionit
-
Pse për Vetëvendosjen Projektligji për Dialog është i papranueshëm dhe kur do ta dërgojnë në Kushtetuese
-
Haxhiu: Thaçi dhe Ekipi qeveritar në tavolinën e bisedimeve në Bruksel “do të vendosin gjithçka”