Kryetari i Komunës së Prizrenit, Mytaher Haskuka, ka deklaruar se administrata komunale i ka borxh Agjencisë Kosovare të Privatizimit rreth 15 milionë euro në emër të qirasë për shfrytëzimin e ndërtesës së ish-Bankkosit.
Sipas tij, ujdia me AKP-në është nënshkruar nga ish-kryetarët dhe si rrjedhojë shuma e borxheve të qirasë është akumuluar me vite, për të arritur tani në shifra të larta. Haskuka ka pohuar se Komuna dhe AKP-ja janë të interesuara për gjetjen e një zgjidhjeje për këtë çështje dhe ka shfaqur bindjen se kjo ndërtesë duhet të kalojë në pronësi të Komunës pa pagesë, shkruan sot Koha Ditore.
Por përfaqësues nga radhët e opozitës në Kuvendin e Komunës së Prizrenit kanë theksuar se edhe AKP-ja ka borxhe të konsiderueshme ndaj administratës lokale në emër të tatimit në pronë, që janë krijuar nga ndërmarrjet shoqërore që janë nën mandatin e kësaj agjencie.
(Artikullin e plotë mund ta lexoni në numrin e sotëm të Kohës Ditore)
-
Prizreni me 3.8 milionë euro borxhe të trashëguara nga 2017-a
-
AKP-ja inkason mbi 1.2 milion euro nga borxhet e qiramarrësve
-
Spanca: Parregullsi në procesin e dhënies me qira nga AKP-ja, humbjet mbi 800 mijë euro
-
LDK-ja e Prizrenit: Haskuka ndoshta nuk ka njohuri se si funksionon qeverisja lokale
-
Komuna e Pejës pretendon se AKP-ja i ka borxh rreth 2 milionë euro, kjo e fundit e mohon