“Hasi e ka dhënë pjesën e vet të luftës”

Kryeministri i Republikës së Kosovës, Ramush Haradinaj mori pjesë në tubimin përkujtimor për 14 dëshmorët dhe 40 martirët në fshatin Lubizhdë të Hasit, njofotn kumtesa, transmeton Koha.net .

Haradinaj tha se është këtu për të nderuar dëshmorët, që tani janë heronj me dekorimin nga Presidenti i vendit dhe se po ashtu i gëzohet shumë kullës muze, vërtetë të merituar.

“Nuk është hera parë që Hasi është përgjakur prej armiqve. Në gjithë historinë e shqiptarëve, Hasi e ka dhënë pjesën e vet të luftës, të nderit dhe të bukës për të gjitha proceset për liri, edhe në Lidhjen e Prizrenit, duke qenë në ballë gjitha proceseve për atdhe”, tha Haradinaj.

Në këtë tubim përkujtimor, nga një fjalë rasti, patën edhe presidenti i Kosovës, Hashim Thaçi, kryetari i Kuvendi, Kadri Veseli, kryetari i fshatit Lubizhdë, Bekim Nerjovaj, si dhe Isuf Kajdomqaj, në emër të familjeve të dëshmorëve.

Haradinaj mori pjesë në vënien e gurthemelit të Kullës Muze, “Kulla e Qëndresës” në Lubizhdë të Hasit.