Haradinaj: Zgjidhja për Kosovën, anëtarësimi në NATO

Anëtarësimi i menjëhershëm dhe i plotë në NATO i Kosovës është zgjidhja që situata të mos dalë jashtë kontrolli, ka thënë kryetari i Aleancës për Ardhmërinë e Kosovës, Ramush Haradinaj, të shtunën.

Në një shkrim në Facebook, Haradinaj ka bërë thirrje që KFOR-i ta angazhojë FSK-në në patrullime të përbashkëta dhe të bashkëpunojë me Policinë e EULEX-in.

“Ftesa për Kosovën në NATO, anëtarësimi i menjëhershëm dhe i plotë është zgjidhja. KFOR ta angazhojë FSK-në në patrullime të përbashkëta dhe të bashkëpunojnë ngushtë me Policinë e Kosovës dhe Eulex-in. Të gjitha institucionet e sigurisë të bashkohen për të mos lejuar që situata të dalë jashtë kontrolli, si në aspektin politik, të sigurisë dhe në ekonomi. Kosova në NATO, është zgjidhja tani! Agresioni rus ndaj Ukrainës e konfirmon këtë”, ka shkruar ai.

Çështja e sigurisë në Kosovë u ngrit sërish para dy ditës kur presidenti i Ukrainës, Volodymyr Zelensky, alarmoi duke thënë se ka informata që Rusia po synon të nisë luftë të re në Ballkan për ta larguar vëmendjen nga pushtimi i Ukrainës.