Kandidati për kryeministër nga koalicioni PAN, Ramush Haradinaj, ka uruar Ilir Metën për marrjen e detyrës së re si president i Shqipërisë.
Me këtë rast, ai i ka shprehur edhe gatishmëri për bashkëpunim midis dy vendeve.
Shkrimi i plotë i Haradinajt në Facebook:
I nderuar z President, Ilir Meta,
Ju uroj përzemërsisht marrjen e detyrës së Presidentit të Republikës së Shqipërisë!
Më lejoni tu shpreh konsideratën time më të lartë, dhe besimin se ju do të luani rol të rëndësishëm në modernizimin e shtetit shqiptar, si dhe në forcimin e marrëdhënieve vëllazërore ndërmjet Republikës së Shqipërisë dhe Republikës së Kosovës.
Po ashtu llogaris në ndihmën tuaj të pakursyer për shtetin e ri të Kosovës.
Njëkohësisht shpreh gatishmërinë time për një bashkëpunim të ngushtë në shërbim të interesit të përbashkët kombëtar.