Kryeministri në detyrë i Kosovës, Ramush Haradinaj, ka pritur sot në takim ambasadorin e ri të Norvegjisë, Jens Erik Grondahl.
Me të thotë të ketë biseduar edhe për përgatitjet për zgjedhjet e parakohshme.
E ka falënderuar për mbështetjen që ky shtet i jep Kosovës, dhe thotë se Norvegjia është ndër të parat që njohu pavarësinë.
“Norvegjia ishte ndër të parat që u rreshtua përkrah shteteve që njohën pavarësinë e Kosovës dhe gjithmonë në mbështetje të fuqishme të vendit tonë në proceset euroatlantike dhe të anëtarësimit në organizatat ndërkombëtare. Në takim mikpritës me ambasadorin e Norvegjisë, Jens Eric Grondahl, duke i shprehur mirëseardhje në Kosovë, ia konfirmova vullnetin tonë për thellimin e mëtejmë të marrëdhënieve bilaterale dhe raporteve miqësore ndërmjet shteteve tona. E njoftova ambasadorin e ri me proceset aktuale politike në vend, me fokus përgatitjet për zgjedhjet e gjashtë tetorit, etapë gjatë së cilës Kosova po dëshmon maturi dhe pjekuri politike”, ka shkruar Haradinaj.
Ambasadori i ri para pak ditësh u takua me presidentin Hashim Thaçi dhe ia dorëzoi kredencialet.
-
“Norvegjia do të jetë përkrahëse e sinqertë e Kosovës”
-
Hoti i thotë ambasadorit norvegjez se është i përkushtuar në dialog me Serbinë me njohje reciproke
-
Haradinaj: Kosova dhe Norvegjia kanë ndërtuar marrëdhënie të shkëlqyera
-
Pacolli priti ambasadorin e ri të Norvegjisë, konfirmohet vullneti për thellim të bashkëpunimit
-
Thaçi pranon kredencialet nga ambasadori i ri i Norvegjisë në Kosovë