Kryeministri në detyrë i Republikës së Kosovës, Ramush Haradinaj, priti në takim njohës komandantin e ri të KFOR-it, Gjeneral Major Michele Risi.
Në këtë takim Haradinaj e uroi komandantin e KFOR-it, Gjeneral Major Risi, për marrjen e detyrës së re, duke falënderuar për mbështetjen e vazhdueshme që KFOR- i ka dhënë dhe vazhdon t'i japë popullit të Kosovës në ofrimin e sigurisë, paqes dhe stabilitetit.
“Po ashtu, kryeministri në detyrë Haradinaj u shpreh mirënjohës për mbështetjen që KFOR-i ka dhënë për ngritjen dhe avancimin e Forcës së Sigurisë së Kosovës. Në këtë takim, kryeministri në detyrë Haradinaj e ka njoftuar komandantin e KFOR-it, Gjeneral Major Risi, për proceset e përgjithshme në vend, me theks të veçantë në fushën e sigurisë, duke vlerësuar se situata në vend është e qetë dhe stabile”, thuhet në njoftimin e dërguar mediave.
Komandanti i ri i KFOR-it, Gjeneral Major Michele Risi, e falënderoi Haradinajn për pritje, duke premtuar angazhimin e vazhdueshëm të KFOR-it në ruajtjen e paqes, sigurisë dhe stabilitetit në vend.
-
Situata e sigurisë në qendër të takimit mes Kurtit dhe komandantit të KFOR-it
-
Kurti takohet me komandantin e ri të KFOR-it, bisedojnë rreth sigurisë në Kosovë
-
Kurti me komandantin e ri të KFOR-it koordinohen për bashkëpunim të ngushtë
-
Ushtarët e infektuar të KFOR-it po trajtohen në objektet e tij, apo në vendet e tyre të lindjes
-
Sveçla dhe Risi e vlerësojnë të qetë situatën në Kosovë