Kryeministri i Kosovës, Ramush Haradinaj, i shoqëruar nga bashkëpunëtorë dhe familjarë të heroit të Kombit, Zahiri Pajaziti, ka bërë sot homazhe te shtatorja e Zahir Pajazitit, në Prishtinë, me rastin e 22 vjetorit të rënies së tij.
Me këtë rast, Haradinaj duke kujtuar veprën e Zahir Pajazitit, tha se janë bërë 22 vjet, por porosia e heronjve edhe sot është e freskët.
“Liria është e shtrenjtë, e çmueshme dhe do të kujdesemi që të jemi çdo herë në respekt të vlerave të lirisë sikur sot”, tha kryeministri Haradinaj.
Kryeministri Haradinaj, të mërkurën mori pjesë edhe në Akademinë Përkujtimore në Junik, në 22-vjetorin e rënies së Heronjve të Kombit, Zahir Pajaziti, Edmond Hoxha dhe Hakif Zejnullahu, në nderim të veprës së tyre.
Artikuj të ngjashëm