Kreu i AAK-së, Ramush Haradinaj, ka thënë se kryeministri i Kosovës, Albin Kurti, po dëshiron të bëjë një marrëveshje për mos-sulmim me Serbinë.
Haradinaj në një postim në Facebook ka thënë se interesi i Kosovës është të arrihet një marrëveshje për njohje të ndërsjellë, pasi çdo marrëveshje tjetër është kthim prapa.
“Ne kemi interes për marrëveshje finale për njohje reciproke Kosovë - Serbi. Mashtruesi po don marrëveshje për mos-sulmim me Serbinë, nën një emër si marrëveshje e marrëdhënieve të mira, e që është kthim prapa. Siguria e plotë për Kosovën arrihet duke e shpejtuar anëtarësimin në NATO”, ka shkruar Haradinaj në Facebook.
Kryeminsitri Kurti më 18 gusht në Bruksel do të takohet me presidentin e Serbisë, Aleksandar Vuçiq, në kuadër të dialogut.
-
Haradinaj: Marrëveshja finale me njohjen reciproke Kosovë-Serbi është afër
-
Haradinaj i përgjigjet pozitivisht ftesës së Kurtit për takim
-
Haradinaj: Kurtit po i pëlqen dialogu teknik me Serbinë
-
Haradinaj: Albin Kurti nuk është më shpresa e Kosovës
-
Haradinaj për Kurtin: Mashtruesi e ka ndarë mendjen për t’i bërë keq e më keq Kosovës