Haradinaj në Dubrovnik, në Forumin që diskuton mbi terrorizmin, emigracionin, ngrohjen globale e lajmet e rreme

Kryeministri i Kosovës, Ramush Haradinaj, po merr pjesë në Forumin e 13-të të Dubrovnikut.

“Sot po marr pjesë në Forumin e 13-të të Dubrovnikut, për sfidat me të cilat shtetet ballafaqohen në sferën e sigurisë rajonale dhe globale. Emigracioni, terrorizmi ndërkombëtar, ngrohja globale dhe lajmet e rreme, si dhe rezistenca e shteteve ndaj tyre, janë temat bosht të Forumit të sivjetmë të Dubrovnikut. Kosova është e përkushtuar që t’u përgjigjet këtyre temave, duke marrë pozicion konstruktiv dhe duke u mbështetur në partnerët e saj strategjikë”, ka shkruar Haradinaj në profilin e tij në Facebook.