Me rastin e shënimit të 8 Marsit, Ditës Ndërkombëtare të Gruas, kryeministri i Republikës së Kosovës, Ramush Haradinaj, mori pjesë në tryezën e diskutimit “Avancimi i Agjendës për Barazi Gjinore dhe fuqizimi i grave në Kosovë parakusht për zhvillim të qëndrueshëm”, që u organizua nga Agjencia për Barazi Gjinore në Zyrën e Kryeministrit, njofotn kumtesa qeveritare, transmeton Koha.net.
Duke uruar që 8 Marsi i vitit që vjen të jetë me më shumë rezultate në avancimin dhe ngritjen e vetëdijes së ndërsjellë, Haradinaj, tha se porosia e ditës së sotme është edhe një kthim në vëmendje për një temë që në Kosovë është në fazë të hershme dhe që e obligon shumë vendin tonë.
Një pjesë e vështirësive për barazinë gjinore, Haradinaj tha se vjen edhe nga mënyrën e jetesës në të kaluarën, e zhvillimit ekonomik, që është jo proporcional në raport qytet-fshat.
Me këtë rast, ai foli edhe për të drejtën në pronë, duke theksuar se është momenti i fundit që kjo çështje të rregullohet dhe trashëgimia t’u lihet të gjithë fëmijëve, qoftë ai djalë apo vajzë.
Duke u ndalur te përfaqësimi i gjinisë femërore në institucione, ai tha se populli që është popull i Nënës Terezë është dashur të prijë me barazinë gjinore para shumë popujve tjerë.
“Nuk i ikim përgjegjësisë dhe qëllimit që gjendja të përmirësohet”, tha ndër të tjera.
-
Kurti: Emancipimi s’duhet të jetë vetëm i grave për gratë, por edhe i burrave për gratë
-
Haradinaj: Fuqizimi i rolit të gruas ka avancuar, por kemi ende punë për të bërë
-
Haradinaj: Pozita e gruas në Kosovë është përmirësuar, por ka ende punë për t’u bërë
-
Haradinaj premton se do të luftojë për të drejtën e gruas
-
Haradinaj uron 8 Marsin, bën thirrje për barazi gjinore