Kryetari i Aleancës për Ardhmërinë e Kosovës, Ramush Haradinaj, ka deklaruar se viti 2024 pritet të jetë me shumë sfida, duke thënë se është “detyrë e jona ta ndalim këtë qeveri humbëse”.
Ai ka shkruar në Facebook të enjten mbrëma se Qeveria Kurti është humbëse në planin e jashtëm dhe të brendshëm, duke theksuar se AAK-ja do të ndihmojë në proceset e brendshme “për të ardhur deri te ndryshimi i domosdoshëm”.
“Në vitin që po vjen na presin shumë punë, pasi që po shihet që do të jetë një vit me plot sfida për shtetin. Është detyrë e jona ta ndalim këtë qeveri humbëse, si në planin e brendshëm ashtu edhe në atë të jashtëm. Si Aleancë nuk do të hezitojmë t’i ndihmojmë proceset e brendshme për të ardhur deri te ndryshimi i domosdoshëm”, ka shkruar Haradinaj.
Në mbledhjen e fundit të Kryesisë së AAK-së, kreu i partisë opozitare ka shtuar se deputetët e këtij subjekti kanë dëshmuar angazhim proaktiv në shumë tema. Sipas tij, në komunat ku qeverisë AAK-ja, performanca është e lartë dhe jemi shembull i qeverisjes.
-
Haradinaj: Do ta shqyrtoja nëse do të propozohesha për president, s’bëhemi pjesë e Qeverisë Kurti
-
AAK-ja hap fushatën, kritikon qeverisjen e Kurtit
-
Haradinaj për emërimet e Kurtit: Ligjërisht të lejuara, por të panevojshme dhe të pahijshme
-
Haradinaj: Mbrëmë u përmbys autokrati Albin Kurti, tash fjalën e ka sovrani
-
Haradinaj: Kurti ka vendosur të shkojmë në zgjedhje, po përgatit pako financiare