-
Nga:
Dorentina Thaqi
- 1 qershor 2020 21:23
- Shpërndaje në:
Pas më shumë se dy muajve, këtë të hënë janë larguar shumica e masave për parandalimin e COVID-19.
Sheshet e kafenetë kanë qenë të mbushura në kryeqytet, ku në fazën e tretë është paraparë hapja e tërësishme e sektorit të gastronomisë.
Pronarët thonë se i janë gëzuar këtij vendimi dhe se janë përgatitur për hapjen e tyre, duke respektuar rregullat e kërkuara, raporton KOHA.
E vendimi për hapjen e kafeneve ka gëzuar edhe qytetarët.
Ndërkohë, nga shoqata e gastronomëve kanë thënë se janë ndërmarrë të gjitha masat e kërkuara, por ankohen për pasojat që ka lënë pandemia dhe mospuna e tyre gjatë kësaj kohe.
Megjithëkëtë, qytetarët u panë në numër të madh nëpër rrugë e kryesisht pa masa mbrojtëse.