-
Nga:
Vlerë Mehmeti
- 15 janar 2025 19:44
- Shpërndaje në:
Kandidati për kryeministër nga radhët e PDK-së, Bedri Hamza ka premtuar përkrahje për prodhuesit, për të cilët u zotua se do të ofrojë subvencione e grante për modernizim të teknologjisë me të cilën operojnë. Gjatë vizitës që bëri në Viti, ai dha edhe të tjera premtime për sektorin privat.
Mbështetje për modernizimin e teknologjisë së prodhimit dhe ndihmë për eksport u ka premtuar bizneseve në Viti kandidati për kryeministër nga PDK-ja, Bedri Hamza.
Gjatë vizitës që bëri në ambientet e një kompanie në këtë qytet, Hamza tha se grante, subvencione, lehtësime fiskale dhe diplomaci ekonomike do të vihen në shërbim të prodhuesve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Do të jem partner i juaj, përkrahës i juaj. Shteti do ta kryejë punën e vet edhe përmes subvencioneve dhe granteve kur ju keni nevojë me i ndërru teknologjitë edhe linjat e prodhimit”, ka thënë Hamza.
Nga Vitia ai u zotua se do të ofrojë përkrahje sidomos për sektorin privat.
“Qëllimi jonë është që bizniset të krijojnë vende të punës sepse ju punësoni njerëz, punësohen rinia, rrijnë në Kosovë, e shohin perspektiven në Kosovë dhe kur ju fitoni më shumë ju i rritni pagat edhe sektorit privat për shkak se e kem qëllim edhe sektorin privat, po përmes sektorit privat me i përkrah dhe me i ndihmu edhe të punësuarit në sektorin privat sepse jeni kontribuuesit më i mëdh në rritjen ekonomike të sektorit privat por edhe jeni punëdhënësi më i madh në Kosovë”, ka shtuar ai.
Pasdite Hamza ka mbajtur tubim elektoral me qytetarët e Vitisë, e paradite është takuar me pensionistët, të cilëve u ka premtuar se nëse qeveris në mandatin e ardhshëm, nuk do të ketë pension nën 200 euro.