Autoritetet greke kanë arrestuar pasditen e së hënës në pikën kufitare të Kakavijës, shtetasin e Shqipërisë, L. R. nga Berati.
Sipas burimeve policore, emri i tij ishte në listën e personave të dyshuar si anëtarë të organizatës terroriste ISIS.
Sipas policisë greke, ai kishte jetuar për disa vjet në Lindjen e Mesme dhe Turqi dhe figuronte në listën e të dyshuarve si anëtar i Shtetit Islamik. Ai po udhëtonte me autobusin e linjës Berat-Athinë dhe kishte destinacion Pireun.
R. u ndalua gjatë kontrollit të dokumenteve në doganën greke të Kakavijës, ndërkohë që kishte kaluar normalisht kontrollin në pikën shqiptare, përcjell Tch. Ai do të dërgohet në gjykatën e Janinës, e cila do të vendose nëse do të gjykohet në Greqi apo do të ekstradohet për llogari të ndonjë vendi tjetër.
-
Shqiptari i arrestuar në Greqi nuk ishte pjesë e ISIS-it
-
Katër të arrestuar në Maqedoni të Veriut, dyshohen për lidhje me ISIS-in
-
Arrest shtëpiak për pjesëtarin e ISIS-it
-
32-vjeçari kosovar arrestohet në Shqipëri, tentoi ta kalonte kufirin me leje qëndrimi të falsifikuar
-
Arrestohet një i dyshuar për trafikim me emigrantë