Gjykata vendos se disa prej turqve të dëbuar nuk përbënin rrezik për Kosovën

Gjykata Themelore e Prishtinës i ka shpallur të parrezikshëm për vendin dy nga gjashtë shtetasit turq të dëbuar në mars të këtij viti drejt Turqisë.

Këtë vendim e ka treguar njëri ndër avokatët e angazhuar në rastin e tyre, raporton KTV.

Urim Vokshi, avokat, thotë se prova nuk u gjetën as për njërin nga të dëbuarit, për të cilin spekulohej se ka miliona euro në konto.

Siç thotë ai, me këtë veprim është shpërfaqur ana e mirë e shtetit dhe niveli i lartë demokratik.

Vokshi tregoi se familjarët e të burgosurve vazhdojnë të bëjnë jetë normale në Kosovë, e shumica nga ta kanë aplikuar për azil.

Që të gjashtë të dëbuarit ishin punonjës arsimi në rrjetin e shkollave “Mehmet Akif”.