Mund të bëjnë plane për pushime ata që ia kanë frikën Gjykatës Speciale.
Kjo, për faktin se në ditët më të nxehta të verës do të pushojnë nëpunësit e Dhomave të Specializuara, institucion që për mandat ka të vërë drejtësi mbi pretendimet për krime lufte të pjesëtarëve të UÇK-së, të cilat i ka ngritur senatori Dick Marty, shkruan sot Koha Ditore.
Specialja, emri zyrtar i së cilës është Dhomat e Specializuara dhe Zyra e Prokurorit të Specializuar, është funksionalizuar plotësisht javën e shkuar, kur ka hyrë në fuqi Rregullorja e procedurës dhe e provave.
Nga kjo kohë, gjyqtarët mund të marrin parashtrime dhe të nisin procedurat gjyqësore, ndërsa prokurorët mund të paraqesin akuzat. Por shpallja e aktakuzave pritet të mos bëhet gjatë sezonit të pushimeve. (Më gjerësisht mund të lexoni në numrin e sotëm të Kohës Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.