Ambasadori i Serbisë në SHBA, Marko Gjuriq e ka quajtur zhgënjyes dhe të pafalshëm vendimin e Kosovës për moslejimin e organizimit të referendumit të Serbisë në Kosovë.
Përmes një postimi në Twitter ai ka shkruar se vendimi i autoriteteve në Prishtinë për t'iu mohuar qytetarëve serbë të drejtën për të votuar në një referendum për ndryshimet kushtetuese në Serbi është përveç tjera jodemokratike.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Mbi të gjitha, është jodemokratike dhe minon praktikën e mirë të kahershme që u mundësoi serbëve të ushtrojnë të drejtat e tyre të votës. Ai gjithashtu bie ndesh me kërkesat e partnerëve tanë SHBA-së dhe Evropës. Në një sulm të paprecedentë ndaj demokracisë, Prishtina vendosi të injorojë Blinkenin”, ka thënë ai.
Sipas tij, mbetet të shihet nëse do të ketë pasoja për këtë veprim “malinj dhe të dhunshëm kundër të drejtave thelbësore politike të serbëve në Kosovë”.
“Nevojitet veprim nëse duam të parandalojmë përkeqësimin e mëtejshëm të situatës në muajt e ardhshëm”, ka thënë ai.