Rron Gjinovci, panelist në Konfront, ka deklaruar se rritja e çmimit të energjisë është problem ideologjik, duke theksuar se KEDS-i duhet të nacionalizohet dhe t’i kthehet shtetit.
Ai është shprehur të mërkurën në Konfront të KTV-së se Qeveria Kurti i kishte dal në krah kompanisë private në dëm të qytetarëve. Sipas tij, e çuditshme është që një qeveri e majtë t’ia ruajë profitin kompanisë private.
“Rritja e energjisë është problem ideologjik, qeveria e ka avancuar si problem kur ka negociuar me një kompani private në emër të saj. Ka ndodhur diçka e jashtëzakonshme që një qeveri e majtë u angazhua t’i ruante profitin kompanisë private... Unë s’kam ngarkesa, kjo kompani (KEDS) të nacionalizohet dhe të merret nga institucionet publike dhe të ketë çmim të energjisë elektrike shumë të ulët.