Gjermania ndërpret bashkëpunimin me Kosovën në disa fusha

Gjermania ka ndërprerë bashkëpunimin me Kosovën në disa fusha, për shkak të mospërmbushjes së kërkesave të Bashkimit Evropian për shtensionim të situatës në veri, ka konfirmuar për KOHËN Ambasada e Gjermanisë në Kosovë.

Në një përgjigje të enjten, nga kjo ambasadë kanë thënë se masat përfshijnë “shtyrjen e konsultimeve qeveritare për bashkëpunimin për zhvillim, pezullimin e partneritetit të parashikuar bilateral rreth klimës dhe dorëzimin e pajisjeve specifike për ofruesit e sigurisë”.

Kjo Ambasadë ka thënë se ndër masat nuk prekin “projektet me sektorin e shoqërisë civile, si dhe projektet që veçse kanë nisur së zbatuari”.

Ambasada po ashtu ka thënë se projektet e prekura nga masat mund të rifillojnë “në çdo kohë”.

“Kjo kërkon zbatimin urgjent të masave të nevojshme për shtensionimin e situatës në komunat në veri. Gjermania mbështet në mënyrë eksplicite përpjekjet e BE-së, punën e përfaqësuesit special të BE-së, Lajçak, dhe dialogun e lehtësuar nga BE-ja”, thuhet në përgjigjen e kësaj ambasade.

Edhe Arbëri 15 sht 2025 Gjermania për mbylljen e zyrave paralele në veri: Veprimet e tilla rëndojnë marrëdhëniet tona

Bashkimi Evropian ka konfirmuar se ka nisur zbatimin e sanksioneve ndaj Kosovës dhe se për këtë e ka njoftuar edhe Qeverinë më 28 qershor.