Gazetarja e njohur e CNN-it, Christiane Amanpour, në podkastin e saj “The Ex Files”, ku mysafir kishte diplomatin amerikan James Rubin, ka treguar se si krimineli i luftës Zhelko Raznatoviq - Arkan kishte dashur ta merrte peng.
Amanpour ka rrëfyer se si raportimet e saja ndaj serbëve dhe serbëve të Bosnjës, për politikat gjenocidale gjatë luftës në Bosnjë dhe luftës së pashmangshme në Kosovë, e kishin bërë atë shënjestër.
“E ja ku isha në territorin e tyre, ndërsa amerikanët dhe NATO nisën bombardimet. Dhe ata më akuzonin mua. Thoshin ti je ajo që duhet fajësuar për gjithë këtë. Ishte shumë e frikshme. Vendosa të mos qëndroja në dhomën time, shkova të flija në dhomën e një kolegeje. Ishte vendim shumë i mirë”, ka treguar Amanpour.
Ajo tregoi se ambasadori i një vendi skandinav e kontaktoi me fjalë koduese në 4 të mëngjesit duke e njoftuar se po e largojnë nga Serbia. E me t’u kthyer në dhomën e saj të hotelit kishte parë rrëmujë gjithandej.
“Thash fal Zotit nuk fjeta në dhomën time...Dola nga Serbia nëpërmjet kufirit, them me Hungarinë dhe më pas fluturova mbi zonën e Kosovës dhe u dhash ferrin nga atje. Por, për fat të mirë nuk u mora peng”, tregoi Amanpour.
VIDEO:
“I had a rough night, you had a rougher night”@amanpour & @JamesP_Rubin discuss the heart dropping moment that Christiane narrowly avoided being taken hostage during the Bosnia war
Watch Christiane Amanpour Presents: The Ex Files 🗂️ on @globalplayer 🎧#politicalprisoners pic.twitter.com/swvXBdW1kx— Christiane Amanpour Presents: The Ex Files (@AmanpourPod) August 19, 2025
Intervista e plotë: