Asociacioni i Gazetarëve të Kosovës ka njoftuar se nesër, më 3 maj, në Ditën Ndërkombëtare të Lirisë së Shprehjes do të organizojë një protestë me moton ‘Mosndëshkimi vret lirinë e shprehjes’.
Protesta do të zhvillohet në sheshin ‘Zahir Pajaziti’, në kryeqytet dhe fillon prej orës 11:00
AGK ka ftuar gazetarët që të marrin pjesë në këtë protestë në numër sa më të madh.
“Në këtë datë është Dita Botërore e Lirisë së Shtypit dhe tema e sivjetme e Organizatës së Kombeve të Bashkuara (OKB) është “Të mbajmë pushtetin nën kontroll: Media, drejtësia dhe sundimi i ligjit” dhe rëndësia i kushtohet rolit të gjyqësorit të pavarur që siguron garanci ligjore për lirinë e shtypit dhe ndjekja ligjore e krimeve kundër gazetarëve”, thuhet në njoftimin e AGK-së.
“AGK po ashtu ka në orientimin e saj që të përmirësojë dhe rrisë bashkëpunimin me institucionet e sigurisë dhe drejtësisë dhe pikërisht për këto çështje do të protestojmë me moton: ‘Mosndëshkimi vret lirinë e shprehjes’”.
-
Gazetarët në Kosovë sot protestojnë me moton “Mosndëshkimi vret lirinë e shprehjes”
-
Përmbledhje për protestat e gazetarëve në Ditën e Lirisë së Shtypit
-
AGK nesër në aksion protestues për mbrojtje të gazetarëve
-
AGK dhe KMSHK nesër aksion protestues në Ditën Botërore të Lirisë së Shtypit
-
AGK-ja: Fushatë e pandalshme e Qeverisë dhe VV-së për delegjitimim të punës së gazetarëve