Fshati në Kosovë me pak banorë e shumë bukuri

Vetëm 17 km larg qytetit të Vushtrrisë ndodhet fshati Boshlan.

Gjithmonë i konsideruar si një nga fshatrat më të bukur.

Gjëja e parë që të lë përshtypje aty është natyra.

Megjithatë, Boshlani kodrinoro-malor ka mbetur mall për njerëzit. Dikur me mbi 60 shtëpi e me shumë banorë, ndërsa tani i zhytur nën qetësinë e cicërimave të zogjve.

Sipas tregimeve të banorëve, jeta e vështirë në fshat ka bërë që ata të shpërngulen në qytete, raporton emisioni “SOT” në Kohavision.

Edhe Shtojca për Kulturë 11 jan 2026 Prishtinë, 1858

Enver Latifi, njëri nga ta, thotë se shtëpinë e vogël e ka ndërtuar vetëm për të ardhur në sezonin e verës. E në muajt e qëndrimit aty, përveç familjarëve është i shoqëruar edhe nga disa kafshë shtëpiake.

E shtëpia me ngjyrë të bardhë, mbi 80 vjet e vjetër, ka mbetur si artefakt i jetesës së dikurshme në fshat.

Skender Latifi, pronari i kësaj shtëpie, rrëfen se ishte rritur dhe atë e kishin kulm mbi kokë deri para 30 vjetësh.

Ai thotë se kthimin në fshat e ka shfrytëzuar edhe për bletari.

Përveç të mbjellave të këtyre banorëve, atraksion i këtij fshati mbeten ujëvara e edhe krojet e ujit që burojnë nga lart. E shumë qytetarë kanë vendosur ta shfrytëzojnë këtë mundësi.

Herë pas here gjallëri fshatit të Boshlanit i japin edhe çiklistët gjatë rrugës për në majë të fshatit, prej ku shihet qyteti i Vushtrrisë.

Berat Mërnica nga “Vushtrria Guide” thotë se kjo pjesë e Shalës së Bajgorës vitet e ardhshme pritet të shfrytëzohet për turizëm.

Edhe SOT 5 dhj 2025 20 mijë vizitorë brenda vitit frekuentojnë Kalanë e Vushtrrisë

E kryetari i Komunës së Vushtrrisë, Xhafer Tahiri, tregon për planifikimet e tyre në këtë zonë.

Derisa vazhdon të presë banorët, Bolshani aktualisht ka vetëm 3 shtëpi, të cilët shërbimet shëndetësore, fetare e madje edhe shkollimin duhet ta bëjnë në fshatrat fqinje.