Agjencia e Menaxhimit Emergjent e Ministrisë së Punëve të Brendshme dhe institucioni përgjegjës i emergjencave i Republikës së Turqisë AFAD, në kuadër të marrëveshjes së bashkëpunimit, kanë filluar zbatimin e projektit “Zvogëlimi i rreziqeve nga tërmetet”.
Siç njofton komunikata, ky projekt ka për qëllim mbajtjen e stërvitjeve shkollore me simulator për tërmete. Trajnimi do të zgjas pesë javë, ndërsa gjatë tërë kësaj kohe automjeti me simulator nga Turqia do të qëndrojë në Kosovë.
“Qëllimi i kësaj stërvitjeje shkollore është sensibilizimi, njohja dhe përgatitja e nxënësve, se si duhet të sillen dhe të mbrohen në rastet e tërmeteve”, thuhet në komunikatë.
Në kuadër të këtij ushtrimi janë paraparë të përshihen rajoni i Gjilanit në pesë komuna, rajoni Prishtinës në pesë komuna, rajoni i Mitrovicës në pesë komuna, Rajoni i Pejës në pesë komuna dhe rajoni i Prizrenit në pesë Komuna.
Agjencia për Menaxhim të Emergjencave e Ministrisë së Punëve të Brendshme, në kuadër të prioriteteve të veta strategjike vazhdimisht harton plane të ushtrimeve operative, me qëllim të parandalimit të fatkeqësive natyrore dhe fatkeqësive tjera, për përgatitjen e qytetarëve në rast se vendi ynë mund të ballafaqohet me ndonjë fatkeqësi.
-
“U vihet” çelësi 93 shkollave të rrezikuara nga tërmetet në Stamboll
-
Ekspertët: Kosova e rrezikuar sa Turqia nga tërmetet, të bëhet inspektimi i objekteve
-
Nxënësit në Malishevë stërviten për mbrojtje në rastet e tërmeteve
-
Në Podujevë mbahet stërvitje në shkolla për mbrojtje nga tërmetet
-
Trajnime me nxënës për të ditur si të reagohet në kohë tërmeti