Federici i KFOR-it ia konfirmon mbështetjen Kurtit

Kryeministri i Kosovës, Albin Kurti, i shoqëruar nga ministri i Mbrojtjes, Armend Mehaj, ka pritur në takim komandantin e KFOR-it, Gjeneral Major Franco Federici.

Komandanti i KFOR-it, Federici e ia ka konfirmuar Kurtit gatishmërinë për thellim të bashkëpunimit mes Qeverisë së Kosovës dhe KFOR-it, në shërbim të sigurisë së të gjithë qytetarëve të Republikës së Kosovës.

Siç bëhet e ditur përmes një njoftimi për media, Kurti ka shprehur mirënjohje për punën, rolin dhe rëndësinë e KFOR-it në Kosovë, dhe ka thënë se ruajtja e sigurisë në Republikën e Kosovës është qëllim i përbashkët, për çka bashkëpunimi ndërinstitucional mes Qeverisë së Republikës Kosovës dhe KFOR-it është i domosdoshëm.

“Ai e njoftoi për masat e reja kundër Covid-19 që Qeveria ka ndërmarrë, e që nga sot kanë hyrë në fuqi, si dhe për angazhimin maksimal të të gjitha institucioneve përkatëse në sigurimin e dozave të reja të vaksinës kundër Covid-19”, thuhet në njoftim.