Tre mjekë janë suspenduar dhe tre të tjerë janë dërguar në Komision Disiplinor, përfshirë edhe dy infermierë, pasi gjatë një inspektimi nuk janë gjetur fare në vendin e punës.
Inspektimi u bë nga drejtori i SHSKUK-së, Basri Sejdiu, të hënën prej orës 1 deri në 3 të mesnatës.
Siç merr vesh Koha Ditore, të suspenduarit janë Isa Haxhiu – Klinika e Urologjisë, Bedri Braha – Kirurgjia Abdominale dhe Dëfrim Koqinaj – Kirurgji e Fëmijëve.
Në Komision Disiplinor janë dërguar Arlind Batalli – Kardiologji, Agim Berisha – Kirurgji Plastike dhe Ardian Prenaj - Klinika e Urologjisë.
Të suspenduarit mësohet se s’ishin paraqitur fare në QKUK, ndërsa të dërguarit në Komision ishin nëpër klinika jo më shumë se dy orë edhe pse në klinikat e tyre ka pasur pacientë duke pritur.
Edhe
Drejtori i QKUK-ut mohon të ketë suspendime për inate personale
Për këtë rast, ministri i Shëndetësisë, Uran Ismaili në Facebook ka thënë se edhe pse e mirëkuptojnë punën e vështirë dhe lodhjen e mjekëve, mungesa në vendin e punës nuk arsyetohet. “Mungesa e tyre në vendin e punës mund të jetë humbje e madhe për dikë”, ka shkruar ai në Facebook.
Ai ka premtuar se në raste të tilla s’do të ketë kompromise dhe nuk do të falet askush.
-
Trajtim kaotik natën në QKUK - pa mjekë, pa infermierë e pa protokoll
-
Mjeku i suspenduar thotë se ministri Ismaili u hakmor ndaj tij
-
Një nga mjekët e suspenduar kishte kritikuar ministrin muaj më parë
-
QKUK-ja merr masa ndaj katër infermierëve dhe suspendon një punëtor teknik pas ankesës së një qytetareje