Kreu i Emergjencave Civile, Haki Çako, ka bërë publike shifrat e dëmeve të shkaktuara nga tërmeti i fuqishëm i pasdites së të shtunës me magnitudë 5.8.
Sipas raportit të fundit operativ, që ka mbërritur në institucionin e Emergjencave Civile, janë 1528 objekte të dëmtuara, nga të cilat 50 banesa janë shkatërruar plotësisht.
Çako tha për News 24: “Nga raporti i fundit operativ, rezulton që janë raportuar 1528 objekte të dëmtuara, nga të cilat janë shkatërruar plotësisht 50 banesa, kryesisht në zonat rurale, janë plasaritur rreth 160 pallate, një qendër shëndetësore, 34 shkolla, 13 universitete publike, 2 kabina elektrike, 1 magazinë, 2 ura, 4 automjete”.
AI shtoi: “Të gjitha këto janë duke u monitoruar dhe vlerësuar situatën drejtpërdrejt. Mjetet u dëmtuan nga rënia e suvave dhe materialeve të ndryshme. Nuk duket të ketë dëme në strukturë të godinave në përgjithësi, por edhe të Gjeologji-Minierave, nga të dhënat e deri tanishme.
Janë një sërë fshatrash të Durrësit, por edhe të Tiranës, Ndroqit, Vorës, Maminasit, ku banesat janë shkatërruar. Banorët janë sistemuar, është çuar një numër i konsiderueshëm çadrash për ata që nuk kanë dashur të largohen nga banesat e tyre”.
-
1183 shtëpi e mbi 17 objekte të rrënuara deri tani si pasojë e tërmetit në Shqipëri
-
Sipas vlerësimeve paraprake, në Shqipëri janë dëmtuar 6000 pallate e banesa, 9000 banorë pa strehë
-
68 të lënduar dhe 88 shtëpi e 7 ndërtesa të dëmtuara nga tërmetet e sotshme në Shqipëri
-
Më shumë se 5,700 ndërtesa të shkatërruar si pasojë tërmetit në Turqi
-
Peleshi: Dëme të lehta u shkaktuan nga tërmeti