Fëmijët e të miturit në Kosovë kanë mungesë të konsiderueshme të informatave për edukimin seksual.
Temë kjo që pak diskutohet në familje, gjithashtu as nuk mësohet për të në shkollë, raporton KTV.
Rasti i fundit i abuzimit seksual të një të miture nga Drenasi, ka vënë në pah nevojën që lënda e edukatës seksuale të futet në procesin mësimor.
Me ndryshimin e fundit të kurrikulës, edukimi seksual është futur si kapitull i veçantë në lëndën e biologjisë për klasat e gjashta, ku, deri para një viti, mësohej vetëm nga klasat e nënta.
Vetë arsimtarët thonë se temat që lidhen me seksin janë tema të sikletshme.
Edhe
Mësimdhënësit dhe nxënësit refuzojnë lëndën e Edukimit Seksual
Nxënësit thonë se ka mungesë të literaturës, por edhe të informatave nga vetë arsimtarët.
Për psikologët, edukata seksuale nuk është e trajtuar mirë nëpër shkolla.
Sipas tyre, kjo temë është ende tabu për shumicën e mësimdhënësve.
Derisa thonë se nëse ekziston një edukim i mirëfilltë, sidomos seksual, rreziqet për keqtrajtim seksual janë më të vogla.
Ndërkaq Linda Gusia, sociologe ka thënë se “këtë panik morale me përkthy në krijimin e mekanizmave të nevojshëm për mbikëqyrjen e pushtetit, për llogaridhënie, me pas mekanizma ku viktima ka me pas mundësi me fol e sigurt pa u riviktimuzu, mekanizma të cilët i dënojnë keqbërësit, mekanizma të pavarur”.
Edhe
Prindërit kërkojnë masa urgjente për parandalimin e dhunës në shkolla
Rastet e ngacmimeve seksuale në Kosovë janë shpeshtuar kohëve të fundit.
Për rastin e fundit në Drenas, është protestuar të martën në Prishtinë , derisa një protestë tjetër është paralajmëruar për të premten në Drenas.
