Kompania për mirëmbajtjen e ujësjellësit në Deçan, ‘’Hidrodrini’’, ka thënë se po dyshohet për një helmim të mundshëm nga uji për banorët e disa fshtrave të kësaj komune.
Ata kanë bërë apel që në këto pjesë të mos konsumohet uji deri në njoftimin e radhës.
‘’Pas disa shqetësimeve të shprehura sot të konsumatorëve të fshatrave Prejlep, Rastovicë, Irzniq, Gllogjan, Shaptej, Gramaqel, Baballoq, Ratishë dhe Jasiq i ri, mbi dyshime për helmim shëndetësorë, apelojmë te konsumatorët e fshatrave të sipërshënuar që ujin mos ta konsumojnë për pije, deri në një njoftim të radhës’’, thuhet në njoftimin e tyre.
Sipas tyre, KRU ‘’Hidrodrini’’ ka marrë të gjitha masat urgjente për të hulumtuar shkaqet e mundshme, megjithatë deri tani nuk ka asgjë të vërtetuar.