Drejtoria e Inspeksionit në Komunën e Mitrovicës, në bashkëpunim me Policinë e Kosovës sot ka bërë rrënimin e një objekti afarist të ndërtuar pa leje në pronë publike, në rrugën “Bislim Bajgora” në Mitrovicë.
Për ta përcjellë nga afër procesin e rrënimit ishin të pranishëm edhe kryetari i komunës, Agim Bahtiri, drejtori i Inspeksionit, Hysni Ahmeti si dhe drejtori për Mbrojtje dhe Shpëtim, Nehat Bahtiri.
Kryetari i komunës, Agim Bahtiri, bën të ditur se ky vendim është në përputhje me ligjin, dhe se uzurpimi i pronës publike dhe ndërtimi pa leje është një vepër e rëndë që krahas kësaj, çdo shkelës i këtyre rregullave, përpos rrënimit mund të përballet edhe me organet e drejtësisë.
Po ashtu kryetari Bahtiri potencon se me kohë e kanë paralajmëruar ndërtuesin si dhe kanë ndjekur të gjitha procedurat deri në vendimin përfundimtar për rrënim.
Andaj Drejtoria e Inspeksionit ju bën thirrje të gjithë qytetarëve të cilët duan të bëjnë ndërtime të objekteve afariste apo të banimit që të pajisen më leje ndërtimi, përndryshe Inspektorati i Komunës është i obliguar që ta zbatojë ligjin dhe të marrë masa konform ligjit në fuqi.
-
Në Vushtrri rrënohet një objekt afarist pa leje ndërtimore
-
Inspektorët komunalë largojnë tri kioska të vendosura në afërsi të Komunës
-
Inspektorati në Prizren rrëzon një objekt pa leje
-
Brahimi: Ndaluam mbi 60 objekte të larta pa leje në Mitrovicë, nuk i frikësohemi askujt
-
Mitrovica e Veriut ndërpret punën në objektet që s’i kanë përfillur procedurat ligjore