Drejtori i një shkolle në Gjilan, ka zgjedhur ditëlindjen e tij si datë kur do të shënohet edhe dita e shkollës.
Emrush Qamili, drejtor në Shkollën e Mesme të Artit Pamor “Adem Kastrati”, thotë se nuk e ka bërë një gjë të tillë qëllimisht derisa premton se do ta ndryshojë, raporton KTV.
Gjithashtu, Qamili është duke e mbajtur pozitën e tij, pavarësisht një vendimi të Këshillit të Pavarur Mbikëqyrës për Shërbyes Civil që kishte anuluar konkursin, nga i cili ai ishte zgjedhur drejtor. Në Drejtorinë e Arsimit, e pranojnë se nuk e kanë zbatuar këtë vendim.