Në disa pjesë të Kosovë nuk ka energji elektrike për shkak të dëmtimeve nga vërshimet.
Zëdhënësja e KEDS-it, Bleona Dallaveraj, ka thënë se ekipet po punojnë në terren.
“Ju njoftojmë se në zonat e prekura nga vërshimet, për arsye sigurie, në disa pjesë nuk ka energji elektrike, si pasojë e dëmtimeve të shkaktuara në asetet shpërndarëse. Ekipet tona janë në terren dhe po punojnë për rikthimin e furnizimit me energji elektrike, sapo të krijohen kushtet e sigurta”, ka thënë ajo.
Kompania Kosovare për Distribuim me Energji Elektrike më 6 janar pati njoftuar se ka ndërprerë furnizimin me energji elektrike në Drenas, Malishevë dhe Rahovec. Sipas njoftimit të publikuar në Facebook nga KEDS-i bëhej e ditur se si pasojë e reshjeve të dendura të shiut dhe rrezikut të krijuar në nënstacionin Drenas 220/10 kV, është ndërmarrë masa për ndërprerjen e furnizimit me energji elektrike në zonën e Drenasit, për arsye sigurie. Më vonë ishte rikthyer në funksion.
-
KEDS njofton për prishje të rrjetit elektrik në disa rajone si pasojë e erërave të forta
-
KEDS-i rikthen në funksion nënstacionin në Drenas, disa trafo-stacione ende të shkyqura
-
KEDS-i ndal rrymën në tri komuna për shkak të reshjeve
-
Zjarret e mëdha lënë disa qytete pa rrymë
-
KEDS-i thotë se si pasojë e erërave të forta janë shkaktuar dëme në rrjet elektrik