Ndryshimi i mandatit të EULEX-it në Kosovë, ka bërë të detyrueshëm ndryshimin e Ligjit për Dhomën e Posaçme në Gjykatën Supreme të Kosovës për zëvendësimin e shtatë gjyqtarëve ndërkombëtarë.
Vonesat për miratimin e Ligjit në Kuvendin e Kosovës kanë bllokuar vendimmarrjen për 21 mijë lëndë që janë në pritje në Dhomën e Posaçme, raporton KTV.
Sahit Sylejmani, kryetar i këtij institucioni, ka thënë se disa propozime që janë futur brenda Projekt-ligjit nuk janë në favor të procesit të vendimmarrjes.
Ai ka shprehur shqetësimin për mosinteresimin e madh të gjyqtarëve të rinj që pritet t’i zëvendësojnë gjyqtarët e EULEX-it.
Sipas tij, kriteri i përvojës tetë vjeçare po e pengon ardhjen e gjyqtarëve të rinj.
Edhe
Sylejmani thotë se Dhoma e Posaçme është në gjendje shumë të vështirë
I të njëjtit mendim është edhe deputeti, Korab Sejdiu, pasi sipas tij, heqja e panelit në shkallën e parë është çështje e cila nuk guxon të tolerohet.
Sejdiu thotë se Dhoma duhet të hiqet nga Supremja dhe të lihet si departament i veçantë brenda Gjykatave Themelore.
Drejtori i departamentit ligjor në AKP, Shefik Kurteshi, ka thënë se ndryshimet që janë bërë në Projektligjin për Dhomën e Posaçme do të ketë ndryshim substancial në trajtimin e lëndëve.
Sipas tij, heqja e panelit në shkallën e parë do të shpejtojë trajtimin e lëndëve.
Edhe
Bllokimi i një Projektligji po mban peng mbi 21 mijë lëndë në Dhomën e Posaçme të Supremes
KTV-ja ka provuar të marrë një përgjigje nga zyra e EULEX-it në Kosovë në lidhje me mandatin e ri për zyrtarët e këtij misioni nuk kanë kthyer përgjigjeje.
Ky ligj në komisionin për legjislacion ka kaluar pa miratim dhe i është dërguar kuvendit për shqyrtim në lexim të parë.
