Komisioni për Administratë Publike nuk ka mundur t’i votojë tri projektligje të rëndësishme për reforma në administratë publike, raporton KTV.
Kjo për shkak të pezullimit të mbledhjes nga ana e anëtarëve të opozitës.
Nënkryetarja e komisionit, Shqipe Pantina, kërkoi që projektligji për transmetuesin publik të shtyhet për diskutim edhe për dy javë të tjera.
Por, me këtë kërkesë nuk u pranuan anëtarët e tjerë të komisionit. Ata kanë thënë se vendimi i anëtarëve opozitarë është befasues, pasi ishin pajtuar që këto ligje të votoheshin në parim.
Pjesë e mbledhjes nuk ishin deputetët Adem Mikullovci dhe Valon Ramadani nga Vetëvendosje, Arban Abrashi e Imet Rrahmani nga LDK-ja dhe Milaim Zeka nga Nisma Socialdemokrate.
Artikuj të ngjashëm