-
Nga:
Agim Ademi
- 22 prill 2021 01:35
- Shpërndaje në:
Gjatë orëve të mbrëmjes persona ende të pa identifikuar kanë demoluar objektin e Qendrës Rinore në qytetin e Shtimes. Në këtë objekt kanë funksionuar Qendra Rinore Publike "Akademia”, Organizata Joqeveritare "Vizionida “ dhe klubi i futbollit "Vjosa”.
Para pak ditësh ky objekt është kompletuar me inventar dhe pajisje të tjera nga Komuna me qëllim të funksionimit të këtyre organizatave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërkohë për demolimin e tyre është njoftuar edhe Policia e Kosovës të cilët janë duke u marrë me zbardhjen e këtij rasti.
Drejtuesit e këtyre organizatave kanë dënuar ashpër kryerësit e kësaj vepre.
Resul Gashi, koordinator i Organizatës joqeveritare QRP “Akademia” në Shtime, ka thënë për KOHËN se është shqetësuese të demolohen zyrat e të rinjve të cilët vazhdimisht realizojnë aktivitete në interes të përgjithshëm dhe në interes të të rinjve. “Dje gjithë ditën nuk kemi qenë në zyrë askush, kurse sot pasdite në orët e vona kah ora 19:00 kur kemi shkuar e kemi parë se zyrat tona janë demoluar nga persona ende të panjohur. Me rastin po merren organet e Policisë së Kosovës”, ka thënë Gashi.
Ndërkohë, QRP “Akademia” , ka reaguar edhe nëpërmjet një komunikate për media. “Të nderuar qytetar në veçanti ju të rinjtë të komunës së Shtimes, me keqardhje ju njoftojmë që është thyer dhe demoluar e tërë pjesa e Qendrës Rinore e cila ishte ndarë për organizatat rinore ende pa u përuruar dhe vendosur organizatat zyrtarisht. Për këtë veprim vulgar të personave të pandërgjegjshëm janë njoftuar institucionet komunale dhe policia e cila i është përgjigjur menjëherë thirrjes tonë dhe ka filluar hetimet për çka i falënderojmë”, thuhet midis të tjerash në reagim., duke kërkuar nga Policia e Kosovës të angazhohen sa më shumë për zbardhjen e rastit dhe kryerësit e veprës të marrin dënimin e merituar.
{gallery}