Deputetja e Partisë Demokratike të Kosovës, Blerta Deliu, e ka cilësuar skandaloz arsyetimin që e ka përmendur kryesuesi i seancës konstituive, Avni Dehari, për mosthirrjen e seancës.
Më herët gjatë ditës, Dehari tha se seanca po që se thirret pa marrëveshje politike “vetëm sa e tensionon më tej situatën dhe e rrit rrezikun e përplasjeve, madje edhe të konfliktit fizik brenda sallës së Kuvendit”.
“Ky arsyetim është skandaloz. Seanca nuk thirret sepse “mund të ketë konflikt fizik”?! Nëse frika nga tensioni mes deputetëve do të ishte arsye për të mos mbajtur seanca, atëherë Kuvendi i Kosovës s’do të duhej të ishte mbledhur asnjëherë në historinë e tij. Kuvendi nuk funksionon vetëm kur partitë pajtohen. Përkundrazi, ekziston pikërisht sepse partitë nuk pajtohen: debatojnë, propozojnë dhe votojnë. Kush e drejton seancën nuk ka mandat ta zëvendësojë votën me kushtin: “Merruni vesh njëherë, pastaj ejani në Kuvend.” Thirre seancën. Respekto rregulloren. Lëri deputetët të votojnë. Kaq është puna”, ka shkruar ajo në Facebook.
Dehari: Vazhdimi i seancës pa marrëveshje mund të çojë në konflikt fizik brenda Kuvendit
Kryesuesi i seancës konstitutive të Kuvendit të Kosovës njëherësh deputeti i Lëvizjes Vetëvendosje, Avni Dehari, ka...-
Deliu e quan të njëanshëm vendimin e Osmanit që zgjedhjet të mbahen më 28 dhjetor
-
77 ditë protesta në Tiranë, Rama thotë se projekti i Zvërnecit nuk do të ndalet
-
Kosova ngel me Kurrikulën Bërthamë të 2016-s
-
KfW-ja paralajmëron edhe Ramën për projektin 80-milionësh
-
Analistët shohin rritje hendeku mes palëve politike - pak pritje për marrëveshje