Ambasadori i Shteteve të Bashkuara të Amerikës në Kosovë, Greg Delawie, ka thënë se populli i Kosovës nuk e përkrahë iniciativën për shfuqizimin e Gjykatës Speciale.
Ai ka përgëzuar qytetarët dhe të gjithë ata që po shprehen publikisht kundër kësaj iniciative.
“Populli i Kosovës nuk e përkrah iniciativën për shfuqizimin e Gjykatës Speciale. Duartrokas politikanët dhe të tjerët të cilët po flasin publikisht në emër të qytetarëve të Kosovës, dhe, ndonëse e vështirë, për atë që është e drejtë për të ardhmen e Kosovës”, shkruan Delawie në Twitter.
#Kosovo’s people don’t support the initiative to undo the Special Court. I applaud politicians and others who are speaking out publicly on behalf of Kosovo citizens and, though it is difficult, what is right for Kosovo’s future
— Amb. Greg Delawie (@USAmbKosovo) January 31, 2018