Delawie: I zhgënjyer që Blakaj, dha dorëheqje derisa po e hetonte mashtrimin e madh pensional

“Koha Ditore” raportoi sot se Prokurori Special, Elez Blakaj, ka dhënë dorëheqje nga posti i tij si pasojë e presioneve me të cilat po përballej gjatë punës së tij me raste të rëndësishme.

Ndaj këtij lajmi ka reaguar edhe Ambasadori Amerikan në Kosovës, Greg Delawie, është shprehur i zhgënjyer pasi që, siç thotë ai, Blakaj po merrej me çështje të rëndësishme, siç është “ndjekja penale e mashtrimit të madh pensional”.

“Është shumë dekurajuese të dëgjosh lajmin e dorëheqjes së Prokurorit Special, Elez Blakaj, kryesisht për shkak se ai po punonte në çështje të rëndësishme siç janë hetimi dhe ndjekja penale e mashtrimit të madh pensional”, ka thënë Delawie, raporton Koha.net.

Kryeprokurori i Shtetit tregon për kërcënimet ndaj prokurorit të dorëhequr, Elez Blakaj

Diplomati amerikan tha se i zhgënjyer ndjehet edhe për faktin se Blakaj ishte mbështetur nga qeveria amerikane për të studiuar në Wake Forest ku mori diplomën LLM dhe hetoi raste të rëndësishme në Kosovë.

Edhe Arbëri 15 gus 2018 Delawie i shqetësuar me dorëheqjen e prokurorit që hetonte mashtrimet me pensione lufte

“Kosova duhet të dëshmojë përkushtimin e saj ndaj sundimit të ligjit jo vetëm duke i mbështetur prokurorët, por edhe duke siguruar që të gjitha ata që dënohen të vuajnë dënimin”, theksoi Delawie.

Blakaj, veç tjerash, po merrej me raste të terrorizmit dhe me rastin e fryrjes së listave të veteranëve.