Dekreti i Thaçit u përkrah nga shtatë gjyqtarë në Kushtetuese

Shtatë nga nëntë gjyqtarët e Gjykatës Kushtetuese kanë konsideruar se presidenti Hashim Thaçi ka pasur të drejtë me dekretin për mandatimin e Avdullah Hotit të LDK-së për kryeministër, pasi kishte pritur 20 ditë Vetëvendosjen për të paraqitur emrin e mandatarit, edhe pse Kushtetuta qëndron e heshtur për afatin.

Sipas burimeve të KOHËS, gjyqtarët Bekim Sejdiu e gjyqtarja Remzije Istrefi-Peci kanë konsideruar se dekreti ishte në kundërshtim me Kushtetutën në pikën referuar afatit.

E dhëna për këtë rezultat votimi nuk është konfirmuar nga gjyqtarët. Të dy kanë theksuar se ligji, por edhe Kodi i Etikës nuk i lejon të komunikojnë me publikun për informata të kësaj natyre.

As Kushtetuesja nuk e ka ofruar këtë të dhënë. Megjithëkëtë, emrat e gjyqtarëve që kanë konsideruar se Dekreti i presidentit Thaçi ishte jokushtetues, mund të kuptohen nga mendimet mospajtuese të shkruara që mund t’i publikojnë.

Të gjitha prapaskenat nga aktgjykimi i Kushtetueses për dekretin e Thaçit mund t’i lexoni në KOHA Ditore.