Zyra e BE-së, Përfaqësuesja e Lartë për Politikë të Jashtme, Federica Mogherini dhe Shefat e Misioneve të BE-së në Kosovë, kanë lëshuar një deklaratë të re në lidhje me vendimin që mori dje Qeveria e Kosovës, për masat shtesë edhe ndaj brendeve ndërkombëtare me seli në Serbi.
Në këtë deklaratë, ata i kërkojnë Qeverisë së Kosovës të rishqyrton këtë vendim për taksën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Jemi të shqetësuar me vendimin e Kosovës për të zgjeruar tarifat edhe për produktet e brendeve ndërkombëtare, duke përfshirë këtu edhe vendet e BE-së, që prodhohen në Serbi dhe Bosnjë e Hercegovinë. Duam ta përsërisim mesazhin e BE-së, se vendosja e tarifave nuk kontribuon në marrëdhënie të mira fqinjësore e gjithashtu bie në kundërshtim me angazhimet e së kaluarës së Kosovës ndaj integrimit rajonal, dhe angazhimeve të nënshkruara nga Kosova brenda MSA-së”, thuhet në deklaratë, transmeton Koha.net.
Tutje, thonë se i bëjnë thirrje Qeverisë së Kosovës të rishqyrtojë këtë vendim dhe të revokojë tarifat.
“Ky do të ishte vendimi i duhur që duhet ndërmarrë për avancimin e Kosovës dhe popullit të vet, për aspirata evropiane për të tashmen e të ardhmen. Ne kujtojmë edhe njëherë mesazhin e BE-së për bashkëpunim rajonal dhe u kërkojmë të gjitha palëve të përmbahen nga veprimet që minojnë këtë mesazh”, thuhet në fund të deklaratës.