Ministri i Kulturës, Hajrulla Çeku, i është drejtuar me një letër zyrtare Dioqezës Rashkë-Prizren dhe peshkopit Teodosije, duke kërkuar bashkërendim në punët për restaurimin e Manastirit të Banjskës, pas sulmit të armatosur nga një grup paraushtarak serb më 24 shtator, ku mbeti i vdekur rreshteri i Policisë së Kosovës, Afrim Bunjaku.
Në një postim në Facebook të premten, Çeku ka shkruar se konform detyrimeve, autorizimeve kushtetuese dhe ligjore “ftohen autoritetet e Kishës Ortodokse Serbe në Kosovë për bashkërendim të veprimeve deri në ndërhyrjet e nevojshme restauruese për sanimin e dëmeve në këtë aset të trashëgimisë kulturore”.
Dioqeza Rashkë-Prizren kishte refuzuar ndihmën e institucioneve të Kosovës për restaurimin e Manastirit të Banjskës.
Por Çeku në letrën drejtuar kësaj dioqeze ka thënë se është obligim kushtetues i Kosovës ruajtja e trashëgimisë kulturore dhe fetare.
Në sulmin e armatosur në Banjskë të Zveçanit vdiqën edhe tre sulmues. Pati dëme të konsiderueshme brenda Manastirit, aty ku qëndruan sulmuesit e armatosur për disa orë.
-
Çeku: Ende asnjë përgjigje për vlerësimin e dëmeve në Manastirin e Banjskës
-
Dioqeza Rashkë-Prizren refuzon që Kosova ta restaurojë Manastirin e Banjskës
-
Dioqeza Rashkë-Prizren: Çështjet si dëmi në Manastirin e Banjskës të zgjidhen në dialog
-
Ministria e Kulturës në verifikim të ndërhyrjeve pa leje në Manastirin e Banjskës
-
Restaurimi pa leje i monumentit me para të “Crvena Zvezdas”