Në mbledhjen e djeshme të Qeverisë, që u drejtua nga kryeministri Ramush Haradinaj, u miratuan një numër i madh i projektligjeve, madje u ndanë edhe para.
Albert Krasniqi nga KDI, konsideron se buxheti i shtetit, kështu siç e ka nisur punën Qeveria, nuk do të mjaftojë as për 100 ditët e para, transmeton Koha.net.
Dje Qeveria, ndër të tjera ka ndarë edhe 290 mijë euro për mbulimin e shpenzimeve për familjet e shtetasve të Kosovës, të dënuar dhe të vrarë në Maqedoni në rastin “Kumanova”.
Krasniqi ka përmendur edhe dhëndrin e kryeministrit, i cili do t’i menaxhojë paratë e sigurimeve.
Burri i motrës së kryeministrit Ramush Haradinaj, Liridon Dërvishaj 27 vjeçar, është zgjedhur njeriu që do t’i menaxhojë paratë e Fondit të Sigurimeve Shëndetësore, institucion ky që do të ketë të hyrat më të mëdha në Kosovë pas Doganës e Administratës Tatimore.
Edhe
Ish-zëvendësministrat e qeverisë së kaluar do të kompensohen me 70 për qind të pagës, 6 muaj pas përfundimit të mandatit
Ndër të tjera, Kransiqi ka përmendur edhe zëvendësministrat, e që numri i tyre deri tani ka mbërritur në 59.
E sipas të dhënave të deklarimit të pasurisë, një zëvendësministër paguhet me rreth 1 mijë e 100 euro pagë bazë. 59 zëvendësministrat dhe nga 2 punëtorë administrativë të tyre u kushtojnë taksapaguesve të Kosovës më shumë se 110 mijë euro në muaj.
Postimi i Krasniqi në Facebook:
Qysh ka nis kjo Qeveri, buxheti i shtetit nuk do te mjaftoj as per 100 ditet e para!
- Dhendrri i kryeministrit (27 vjecar) do te menaxhoj me parate e sigurimeve shendetesore.
- Bordi i KEK-ut sekret.
Edhe
Ramush Haradinaj - kryeministër në detyrë për 200 ditë
- 300 mije euro për familjaret e rastit ne Kumanove.
- 60 zv.ministra (lexo ketu 60 asistent/e, 60 shofera, 60 vetura etj. + pagen per 6 muaj pas perfundimit te mandatit).
