Amir Ahmeti e ka gjashtëfishuar pagën mujore brenda pak kohësh, nëpërmjet një “fizkulture” që e ka bërë ministri i Punëve të Jashtme, Behgjet Pacolli.
Është rekrutuar si këshilltar politik dhe pas dy muajsh ka siguruar pagë sa të ambasadorit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSi këshilltar i Pacollit, Ahmeti është angazhuar më 1 nëntor të vitit 2017. Nga ky funksion siguronte pagë prej 453.50 eurosh. Por pas pak kohësh i ishte dhënë një detyrë e re, e bashkë me të i ishin shumëfishuar të ardhurat.
Nëpërmjet një vendimi të ministrit Pacolli, që mban datën 10 janar 2018, Ahmeti është emëruar si “i ngarkuar me punë i përkohshëm (ad interim)”, me qëllim të themelimit të misionit diplomatik të Republikës së Kosovës në Emiratet e Bashkuara Arabe. Obligimi i ri ishte nisur pesë ditë pas firmosjes së vendimit nga ministri i Punëve të Jashtme, dokument ky që trajton edhe aspekte që lidhen me pagën.
“Të ardhurat personale bruto të z. Ahmeti janë të barasvlershme me të ardhurat e MK (Ministrit Këshilltar v.j.) sipas nenit 37, pika I e Ligjit për shërbimin e jashtëm”, thuhet në vendim, një kopje të të cilit e ka siguruar edhe “Koha Ditore”. (Artikullin e plotë mund ta lexoni në numrin e sotëm të gazetës)