Shefi i Organizatës për Siguri dhe Bashkëpunim në Evropë në Kosovë, Jan Braathu, ka konfirmuar ndihmën e këtij misioni në mbajtjen e zgjedhjeve nacionale në Kosovë më 11 qershor.
Braathu në takim me anëtarët e Komisionit Qendror Zgjedhor, të enjten, ka theksuar se do të ishte shenjë e mirë kur institucionet e Kosovës nuk kanë nevojë për ndihmën e misionit të OSBE-së dhe se ai mund t’u thotë vetëm “arrivederci” (lamtumirë), shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Organizata ju pyet nëse dëshironi t’ ju ndihmojë, si t’ ju ndihmojmë, dhe nëse thoni se nuk keni nevojë për ndihmë, unë do të jem i gëzuar dhe kjo është shumë mirë”, ka thënë ai.
Në krahasim me zgjedhjet e kaluara, OSBE-ja, sipas tij do të ketë më pak punë.
“Ne kemi lehtësuar procesin e zgjedhjeve në katër komunat e veriut. Më 2013 kanë qenë zgjedhjet e para ne veri dhe jemi të gëzuar për atë zhvillim. Mbështetja këtë vit është më e vogël, sesa viteve të kaluara, kjo është normale dhe jam i gëzuar për këtë”, ka thënë Braathu. (Detajet mund t’i gjeni në numrin e sotëm të Kohës Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.