Deputetja e Lëvizjes Vetëvendosje, Saranda Bogujevci, i është përgjigjur Aleancës për Ardhmërinë e Kosovës, lidhur me propozimin për kryeparlamentar, duke thënë se LVV-ja e ka propozimin e saj dhe nuk i tregojnë të tjerët se kush duhet të jetë zot shtëpie i këtij institucioni.
Nëpërmjet një postimi në Facebook, ajo ka thënë se më parë është cilësuar si “amatore” nga të njëjtët që tani po kërkojnë ta bëjnë kryeparlamentare.
“Ky diskursi i viktimës të së kaluarës sonë të dhimbshme, kur herë të portretizojnë se po të shfrytëzojnë të tjerët e tash këta duan të mendojnë me gjynah për pozicion. Nuk jeni ju ata që na tregoni se kush duhet me qenë zot i shtëpisë më të rëndësishme të Republikës së Kosovës kur me votë e ka vendosë populli. Ne e kemi propozimin tonë dhe atë do ta mbështesim”, ka shkruar ajo në Facebook.
Përfaqësuesit e AAK-së kanë thënë se Lëvizja Vetëvendosje do ta ketë votën e deputetëve të tyre vetëm nëse e propozojnë Saranda Bogujevcin apo Shqipe Selimin për kryekuvendare.
-
Bogujevci: Ka deputetë që do ta votonin Haxhiun me votim të fshehtë
-
Haradinaj: Kemi shpresë që LVV-ja propozon kandidat unifikues
-
Haradinaj: Jemi të gatshëm ta votojmë Selimin ose Bogujevcin, është ofertë e mirë
-
Haradinaj: Do ta votojmë për kryetar të Kuvendit një person unifikues
-
Haradinaj s’e përjashton mundësinë për votimin e Konjufcës kryeparlamentar