Bocat me të cilat dyshohet se u helmuan punëtorët, të blera para 6 vjetësh

Gjashtë vjet kanë kaluar prejse kompania e ujësjellësit rajonal KUR “Prishtina” ia kishte shitur rreth 200 boca të klorit hekurishtes “Rec-Kos” sh.p.k në Fushë-Kosovë, me të cilat dyshohet se u helmuan 4 punëtorë të saj.

Zyrtarët e këtij ujësjellësi nëpërmjet një njoftimi kanë thënë se atëkohë të gjitha bocat kanë qenë të zbrazura, shkruan sot Koha Ditore.

e tyre ishte bërë pas vlerësimit të një komisioni nëpërmjet ankandit publik. Fituese e këtij tenderi kishte qenë “Rec-Kos” sh.p.k Fushë-Kosovë.

“KRU ‘Prishtina’ sh.a. është njoftuar nga mediat elektronike dhe të shkruara, lidhur me helmimin me klor të katër personave në një hekurishte të Komunës së Fushë-Kosovës, ku bocat janë blerë nga Ujësjellësi i Prishtinës. Njoftojmë opinionin e gjerë publik që në bazë të dokumentacionit që posedojmë në kuadër të Departamentit të Prokurimit, në vitin 2012 është shpallë tenderi për shitjen e materialeve nga metali për riciklim”, thuhet në njoftimin e KUR “Prishtina”.

Sipas të njëjtit, këto materiale, komisionet përkatëse i kishin vlerësuar si asete jashtë përdorimit dhe në mesin e tyre kishte pasur edhe boca të klorit të paravitit 1999 (siç thuhet në njoftim, të zbrazura). (Artikullin e plotë mund ta lexoni në numrin e sotëm të Kohës Ditore)