Qeveria komunale e Prizrenit ka miratuar vendimin për lejimin e shpalljes së tenderit për furnizimin me 200 kontejnerë për mbeturina.
Pushteti lokal ka planifikuar që të shpenzojë 30 mijë euro për këtë politikë publike, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetari i Komunës, Ramadan Muja, para miratimit të këtij vendimi, ka pohuar se kërkesa ka ardhur nga Drejtoria e Shërbimeve Publike që synon përmirësimin e cilësisë së menaxhimit të mbeturinave.
“DSHP-ja ka kërkuar lejimin e shpalljes së tenderit për furnizimin me kontejnerë, gjithsej 200 copë, të vëllimit 1.1 metër kub, për ngritjen e cilësisë së menaxhimit të mbeturinave”, ka thënë Muja, teksa me bashkëpunëtorët e tij i kanë dhënë dritën e gjelbër këtij propozimi.
Komuna e Prizrenit nga fillimi i vitit 2015 ka marrë përsipërmenaxhimin e mbeturinave, derisa arkëtimi i taksës për këtë shërbim ka filluar nga muaji mars i atij viti. Por që prej asaj kohe përqindja e arkëtimit të taksës së mbeturinave nuk ka qenë e kënaqshme.
Prandaj Komuna ka kushtëzuar regjistrimin e veturave dhe disa shërbime të tjera me pagesën e taksës së mbeturinave, me qëllim të përmirësimit të të hyrave në këtë kategori buxhetore.