Besimtarët e krishterë si në të gjithë botën edhe në Kosovë sot festojnë Krishtlindjet, një nga kremtimet më të rëndësishme në kalendarin e festave të krishtera.
Kjo ditë festohet çdo 25 dhjetor dhe në të kujtohet lindja e shpëtimtarit Jezus Krisht. Pas Pashkëve është festa më e rëndësishme për të krishterët.
Mesha qendrore e Krishtlindjes u mbajt në orët e para të datës së sotme në Katedralen “Shën Nënë Tereza” në Prishtina ku u përçuan mesazhe paqeje dhe bashkimi.
Ipeshkvi i Kosovës, Dodë Gjergji, në meshën e Krishtlindjes iu është drejtuar qytetarëve duke u bërë thirrje për vepra të mira e dashuri për Zotin. Ai ka thënë se shoqëria do të ishte më e mirë dhe nuk do të kishte mosmarrëveshje, po të ishin të bashkuar.
Sot, në ditën e Krishtlindjes prej orës 11:00 do të mbahet meshë po në Katedralen në Prishtinë.
Ndërsa Ipeshkvi i Kosovës, Imzot Dodë Gjergji, do të kremtojë meshën e Ditës së Krishtlindjes në Katedralen “Zoja Ndihmëtare” në Prizren në ora 11:00.
-
Për Krishtlindje, ipeshkvi bën thirrje për stabilitet politik në Kosovë
-
Mesha e Pashkëve përcillet me thirrjen për liderët politikë që të tregojnë përgjegjësi
-
Për Pashkë bëhet thirrje për paqe, pajtim e dialog
-
Në Krishtlindje, ipeshkvi Dodë Gjergji bën thirrje për stabilitet politik
-
Abdixhiku: Krishtlindja e sivjetme le të jetë thirrje për më shumë mirësi