Kryeministrja serbe, Ana Bërnabiq, ka thënë se vendimi i qeverisë së Kosovës që t’ia ndaloj hyrjen ministrit serb të Mbrojtjes, Aleksandar Vulin, në Kosovë, është krejtësisht në përputhje me politikën e Prishtinës e cila, siç tha ajo, “është kundër lirisë së transportimit të mallrave dhe shërbimeve si dhe kundër lirisë së lëvizjes”.
Ajo u ka bërë thirrje institucioneve kompetente, para së gjithash atyre nga Bashkimi Evropian të cilët e ndjekin zbatimin e marrëveshjes së Brukselit, të reagojnë, raporton “FoNet”.
Sipas fjalëve të saj, “nga Prishtina kanë deklaruar se apriori nuk u është ndaluar hyrja zyrtarëve serbë, por se kërkesat për vizitë në Kosovë do të shqyrtohen individualisht”, transmeton Koha.net.
MPJ E KONFIRMON SE VULINI S’HYN NË KOSOVË, “KISHTE QËLLIM PROVOKIMIN”
Ministri serb i Mbrojtjes, Vulin, ka deklaruar nga qyteti serb Nish se vendimi i autoriteteve të Kosovës që atij dhe delegacionit të personelit ushtarak mjekësor t’ua ndalojnë hyrjen në Kosovë “është edhe një dëshmi se çfarë gënjeshtari është (kryeministri i Kosovës) Ramush Haradinaj”.
-
Vulinit s’i jepet leje për të hyrë në Kosovë
-
Qeveria e çakorduar, Haradinaj kundërshton Pacollin për ndalesat e zyrtarëve serbë
-
Sipas Bërnabiqit, Haradinaj e mohon se zyrtarëve të Serbisë u ndalohet hyrja në Kosovë
-
Politikanë të Serbisë: Shkojmë kur të duam në Kosovë, aq na bën ndalesa e Haradinajt
-
Vulinit i refuzohet leja e fluturimit për në Bosnjë-Hercegovinë