Beograd, 8 nëntor - Komiteti i Juristëve për të Drejtat e Njeriut nga Beogradi dhe Qendra për Përfaqësim të Kulturës Demokratike nga Mitrovica (e veriut) në njëvjetorin e fillimit të zbatimit të Marrëveshjes për Drejtësinë, u bëjnë thirrje autoriteteve në Beograd e Prishtinë që të sillen me përgjegjësi ndaj detyrimeve të marra dhe që të informojnë rregullisht opinionin për punët që bëjnë.
“Shprehim shqetësimin që kjo Marrëveshje e vlerësuar nga autoritetet serbe e kosovare vetëm deri në momentin e fillimit të zbatimit, ndërsa që nga atëherë nuk ka asnjë informatë zyrtare për zbatimin e saj, qoftë nga Qeveria e Serbisë, ose Qeveria e Kosovës”, citojnë mediat e Beogradit komunikatën e këtyre dy organizatave, transmeton Koha.net
Siç theksohet, opinioni është informuar rreth zbatimit të kësaj Marrëveshjeje dhe funksionimit real të gjyqësisë së integruar vetëm përmes shkrimeve të rralla në media.
Edhe për Beogradin, edhe për Prishtinën, zbatimi i kësaj marrëveshjeje përbën hap me rëndësi në përmbushjen e standardeve në rrugën europiane, thekson komunikata.
-
Marrëveshja e arritur një vit më parë s’njeh zbatim, BE-ja i bën përgjegjëse të dyja palët
-
Shoqëria civile: BE-ja të ketë qëndrim të prerë karshi veprimeve në veri
-
G7 u bën thirrje Kosovës e Serbisë t’i implementojnë marrëveshjet e kaluara
-
Kërkesat për dialog bashkojnë shoqëritë civile të Kosovës e Serbisë
-
Drojë për rikthim të mundshëm të tensioneve mes Kosovës e Serbisë